Love Me Again: Secret Love

Type: Series

Book No.: 4

Year Released: 2011

Publication: PHR

Mindy was very secretive. Napakaingat niya sa pagtatago ng kanyang mga sekreto. Kahit sa best friend niya ay marami siyang itinatago. Ni hindi nga nito alam kung sino ang kanyang first love… ang lalaking hanggang sa kasalukuyan ay hindi pa rin niya makalimutan.

Her first love was Carl—her naughty and playful childhood neighbor. Madalas na tarayan niya ito noon ngunit sa kaibuturan ng puso niya ay may pagtingin siya rito. Nang handa na siyang ipagtapat dito ang totoong damdamin ay saka naman ito umalis.

Years later, muli silang nagkita. Nagulat siya dahil alam nito ang mga sekreto niya—mula sa kaliit-liitan hanggang sa pinakamalalaking lihim niya! Hindi pa rin pala ito nagbabago. Pilyo pa rin ito. Marahil ay kayang-kaya siyang paglaruan nito gamit ang mga nalalaman nito tungkol sa kanya.

Wait… Kasama kaya sa mga sekreto niyang alam nito ang tungkol sa lihim na pagtingin niya rito noon at hanggang ngayon? Sana naman ay hindi. Dahil baka pati puso niya ay mapaglaruan nito…

Love Me Again: Love And Revenge

Type: Series

Book No.: 3

Year Released: 2011

Publication: PHR

Hindi matanggap ni Coleen ang hindi pagsipot ng kanyang groom sa kanilang kasal. At iyon ay dahil kay Paula, ang mortal enemy niya since college. Hindi siya makapapayag na maagaw nito nang tuluyan ang lalaking pinakamamahal niya.

Sa paghahanap ng solusyon upang makuha niya pabalik si Bernard ay muling nagkrus ang mga landas nila ni JP, ang dahilan kung bakit galit na galit sa kanya si Paula. Patay na patay rito si Paula noon ngunit inakit niya si JP upang siya ang ligawan nito.

Tutal ay si JP ang dahilan kung bakit ginawa sa kanya ni Paula iyon, naisip niyang si JP din marahil ang solusyon upang tumigil na si Paula sa pagganti sa kanya. 

Inalok niya ng malaking halaga si JP upang akitin si Paula at agawin ito kay Bernard nang sa gayon ay bumalik na sa kanya ang dating fiancé niya. Pumayag naman itong tulungan siya.

Habang isinasagawa nito ang kanilang plano ay napansin niyang siya yata ang mauunang maaakit dito. Hanggang sa na-realize na lang niya na ayaw na niyang agawin pabalik si Bernard at ayaw na niyang magkatuluyan sina JP at Paula.

She wanted JP for herself. Ngunit mukhang hindi na nito kayang mahalin siya uli…

Love Me Again: Battle Of Love

Type: Series

Book No.: 2

Year Released: 2011

Publication: PHR

Megan thought she and Dylan were meant for each other. Pero nagkahiwalay sila na galit na galit sa isa’t isa. Pagkalipas ng isang taon ay muling nagkrus ang mga landas nila sa isang resort sa Bohol. As a private investigator, she was assigned an undercover job. Nagpanggap siya bilang chambermaid upang matyagan ang kanyang subject na naka-check in doon. Nagulat na lang siya nang makita niya roon si Dylan, na nasa isang special business trip naman.

Sariwa pa rin ang galit niya rito at gayundin ito sa kanya. Sumiklab ang away sa pagitan nila. They both tried to mess up each other’s job. They both wanted to exact revenge.

She was determined to ruin him, ngunit bigla siyang nagpreno nang mapagtanto niya ang isang bagay: nahuhulog uli ang loob niya rito.

Was it possible to hate and love a person at the same time?

Love Me Again: Scheming Hearts

Type: Series

Book No.: 1

Year Released: 2011

Publication: PHR

Naalarma si Althea nang malaman niyang may lalaking nanliligaw sa kanyang mommy. Ayaw niyang magkaroon ito ng nobyo dahil umaasa siyang magkakabalikan pa ito at ang kanyang daddy. Naisip niyang isabotahe ang panliligaw ng lalaki. Pero hindi effective ang scheme niya kaya naisip niyang hingin ang tulong ni Warren, ang anak ng lalaking nanliligaw sa mommy niya.

Mayroon silang hindi magandang nakaraan ni Warren kaya hindi madali para sa kanya ang makasama ito at maging kasapakat sa kanyang plano. Lalo na at hindi niya nagustuhan ang scheme na naisip nito: magpapanggap silang lovers para mapilitan ang mga magulang nila na maghiwalay.

Maybe it was a good plan. Kung hindi lang sana bumalik ang espesyal na damdamin niya para dito noon. Mukhang nag-backfire sa kanya ang schemes niya. Ngunit hindi pa roon natapos ang problema niya. Warren’s ex was coming back. Natagpuan na lamang niya ang sariling nakikipagtunggali rito sa atensiyon ni Warren, using their posing scheme to cover up her real feelings for him.

Love Story

Type: PHR Collection

Book No.: 59

Year Released: 2010

Publication: PHR

Kontento na si Cherie sa pangangalaga sa love story ng kaibigan niyang half Korean na si JM at ng boyfriend nitong Korean na si Joo Gang Hun. Kung may fans club ang love team ng mga ito, baka siya na ang presidente niyon. She really liked their story, very Koreanovela-ish. When she said Koreanovela-ish, siyempre ay may super cool at guwapong third wheel. 

Si Gang Phil.

Older brother ito ni Joo Gang Hun na nagkataong may feelings din para sa kaibigan niya. Hindi nito puwedeng sirain ang relasyon ng dalawa kaya gagawin niya ang lahat para harangan ang mga plano nito. Pero nang minsang hingan siya nito ng tulong ay hindi siya tumanggi. In fact, hindi ito nagdalawang-salita sa kanya.

Gusto niyang iumpog ang sarili tuwing tatawagin siya nito at susunod naman siya. Parang may ipinakain ito sa kanya kaya sunud-sunuran siya rito. Was it because she could feel his pain whenever she saw him watching the woman he loved loving his own bother? Or was it because she had dreamed of him and his upper-left-side-lip mole more than once?

Destiny ba itey?

Kissing Mr. Wrong

Type: PHR Collection

Book No.: 58

Year Released: 2010

Publication: PHR

Kung gaano ka-friendly ang kaibigang doctor ni Annabee, ganoon din ang level ng kasungitan ng pinsan nitong si Arthur. Tila milyones ang halaga ng ngiti nito kaya madalang pa sa patak ng ulan tuwing El Niño kung ngumiti ito. Sa kabila niyon, hindi niya alam kung ano ang nakita ng puso niya rito para mahumaling siya rito, sukdulang makipagkompetensiya siya sa alaala ng namatay na nobya nito.

Inakala niyang madali lang itong mahuhulog sa kanya dahil bukod sa maganda at mabait pa siya—at higit sa lahat, may killer legs pa. Pero pinakawalan na niya at lahat pati ang itinatago niyang charms ay mukhang wa epek pa rin dito. 

Hay, naku, malaking problema ito.

Kiss And Tell

Type: PHR Collection

Book No.: 57

Year Released: 2010

Publication: PHR

Sa kabila ng pagkakaroon ng kasintahan ay nakatali pa rin ang panahon at oras ni Madel sa trabaho. Salamat sa guwapo pero workaholic monster na boss niyang si Ganny na walang ginawa kundi tambakan siya ng trabaho. She was really thinking of resigning when she caught her boyfriend Vince cheating on her.

Sa panggigilalas niya, ang dating puro trabaho ang laman ng utak na boss niya ay biglang naglaan ng “gintong oras” nito para lang makalimutan niya ang kataksilan ng boyfriend niya. She wondered why. Isang araw ay nalaman niya kung bakit.

He was in love with her.

A Kiss In The Rain

Type: PHR Collection

Book No.: 56

Year Released: 2009

Publication: PHR

Nang dahil sa matinding gutom, nakigulo si Milet sa mga taong nakapila sa ginaganap na feeding program. Nang matikman niya ang pagkain na isine-serve doon, napapikit siya sa sarap. Nang makita niya si Ochel, ang nagluto ng mga pagkain, naisip niyang kasing-“yummy” ito ng pagkaing niluto nito. Bigla, parang hindi na lang sa mga luto nito siya interesado kundi maging dito na mismo. At nang malaman niya na nabigo ito sa pag-ibig, ninais niyang maging malapit dito. Ito naman ang bubusugin niya... ng pagmamahal.

Two Sweet Kisses

Type: PHR Collection

Book No.: 55

Year Released: 2009

Publication: PHR

Jina met Frank while she was trying to win the man of her dreams. Pero ang magaling na lalaki, lagi siyang dini-distract sa kanyang pakikibaka. Ang mas malala ay siya pa ang itinalaga nitong “excuse” sa mga babaeng humahabol dito.

“You are my excuse. That’s why I don’t ever want to see you get hurt by anyone. Especially that guy.”

Talaga? Pero bakit mas mukha itong nagseselos kaysa nagpoprotekta lang?

Stolen Kisses

Type: PHR Collection

Book No.: 54

Year Released: 2009

Publication: PHR

Playing Cupid ang pinagpipitaganang heneral na ama ng kaibigan ni Francey kaya ipinakilala nito sa kanya ang pamangkin nitong si Benedict. Aminado man siyang umaapaw ang karisma ng binata, hindi niya type ito, lalo na at sa una pa lang nilang pagkikita ay tila minenos na nito ang kakayahan niya bilang isang writer. 

Until he saved her life. Things changed. And so did her heart. Ang problema, mukhang purely business lang ang gusto nitong maging relasyon nila nang alukin siya nito ng trabaho.

“I don’t believe in mixing business with pleasure. That us never a good thing,” tandang-tanda pa niya na sabi nito.

Pero isang araw ay bigla na lang siyang hinalikan nito. Nasaan ang “business” doon?