My Love My Hero: Heero

Type: Imprints

Book No.: 324

Year Released: 2005

Publication: PHR

Nanganganib ang buhay ni Marron. Saksi siya sa pagkamatay ng isang kongresista. Dahil doon ay kinailangan niyang magtago mula sa posibleng pagsalakay ng mga salarin na nakakilala sa kanya.

On the rescue naman ang kanyang Yaya Caring. Ipinrisinta nito ang lugar ng kapatid nito sa Tondo.

Doon niya nakilala ang magiting na barangay chairman na si Heero. Kahit antipatiko't walang modo ang impresyong ibinigay nito sa kanya, mukha namang gustong-gusto at mahal na mahal ito ng nga nasasakupan nito. Pero mukhang ayaw nito sa kanya at sa pagtigil niya roon.

Ngunit wala siyang choice. Ayon sa yaya niya, si Heero lamang ang maaaring makatulong sa kanya kaya kailangan niyang pakisamahan ito ng mabuti.

At sa kabila ng iritasyon, hindi niya napigil ang sariling humanga rito. Ramdam na ramdam niya ang pagsikdo ng kanyang puso tuwing pagmamasdan siya ng deep-set na mga mata nito na tumatagos kung tumitig.

My Love My Hero: Aaron Carl

Type: Imprints

Book No.: 374

Year Released: 2009

Publication: PHR

One boring day, Aaron saw a strange woman in the park. Nakita niya itong nakahiga sa isang bench. She said her name was Jana and she had a diamond ring on her finger.

She was engaged. Ngunit nawawala raw ang fiancé nito. Lumuwas pa raw ito sa Maynila upang hanapin ang nobyo nito.

Lingid dito ay napagpasyahan niyang hanapin ang nawawalang nobyo nito.

Habang hinahanap niya ang fiancé nito ay dinamayan niya ito sa kalungkutan nito. Pinasaya niya ito at tinulungan sa mga problema nito. Nagmistula siyang reliever ng fiancé nito. Animo superhero siya nito. Kapalit niyon ay maraming bagay na natutuhan niya mula rito. Nasanay na siya na kasama ito. He was happy being with her almost everyday.

Pero hanggang kailan niya madarama ang kaligayahang iyon?