It's Just You

Type: PHR Collection

Book No.: 4194

Year Released: 2012

Publication: PHR

“If you want to fall in love with me, it’s fine. Go ahead and fall.”

Jeni was a very pampered princess to her rich parents. And since she was a princess, she ought to have her own prince. Isa lang ang naiisip niyang maging prinsipe: si Reno, ang kanyang high school ultimate crush. Nang magkita uli sila pagkalipas ng maraming taon, na-realize niya na matindi pa rin ang epekto nito sa puso niya.

Nang malaman niya na nangangailangan ito ng Cinderella—este, sekretarya, mabilis pa sa alas-kuwatrong nag-apply siya para mapalapit dito.

Pero paano kapag natuklasan niya na ang pinili niyang maging prinsipe ay iba pala ang gustong gawing prinsesa? Paano na ang kanyang “happy ever after”?

Don't Mess With My Heart

Type: PHR Collection

Book No.: 4144

Year Released: 2012

Publication: PHR

Nang dahil sa maling label ng botelya ng gamot, hindi alam ni Bea na ang iniinom pala niyang pills ay hindi food supplement kundi isang antianxiety drug. Nalaman lamang niya iyon nang magsimula siyang makaramdam ng heart palpitations at madaling pagkahapo.

Nang magpatingin siya sa isang cardiologist—na ubod ng guwapo at kisig at may overflowing na sex appeal—ay nalaman niyang nagkaroon ng diperensiya ang kanyang puso dahil sa long-term at hindi tamang pag-inom ng gamot na iyon. Nang mga sandaling iyon ay nagpa-palpitate ang kanyang puso sa kilig habang nakatunganga siya sa kaguwapuhan nito. Gusto niyang ipagamot dito ang kanyang puso—literally and figuratively. Pakiramdam niya ay handa na uli siyang umibig. Ngunit may prescription ito na tila saglit na nagpatigil sa kanyang mundo.

Sweet Sacrifice

Type: PHR Collection

Book No.: 4134

Year Released: 2012

Publication: PHR

“I’ll be yours, if you’ll be mine.”

Lauren had been secretly in love with her handsome boss Uruha. Pero tila imposibleng mapansin siya nito dahil miyembro ito ng pinakasikat na banda sa Japan. Fate decided to end her misery when her family in the Philippines asked her to come home. Laking dismaya niya nang payagan naman siyang umalis ng boss niya. 

Tahimik at maayos ang takbo ng buhay niya sa Pilipinas nang biglang sumulpot doon si Uruha at ginulo iyon. He said he wanted her back.

Ang dating sa kanya niyon ay gusto nitong maging parte na siya ng buhay nito bilang girlfriend nito. Kaya ganoon na lang ang tuwa niya nang bigyan siya nito ng couple’s ring bilang simbolo ng pagmamahal nito sa kanya.

Ang akala niya ay wala nang makakahadlang sa pagmamahalan nila. Ngunit nalaman niyang ipinagkasundo na pala itong ipakasal ng mga magulang nito sa ibang babae…

Wishing For A Star

Type: PHR Collection

Book No.: 3951

Year Released: 2011

Publication: PHR

Maya was a grade school teacher and a passionate reader of romance pocketbooks. Wala siyang gaanong adventure sa buhay. Wala rin siyang naging matinong relasyon. She was longing to meet her true love, the one who would give her the greatest adventure of her life.

Mukhang dumating din iyon nang isang gabing hindi niya inaasahan ay bigla na lang siyang hinagkan ni JM Guzman, ang hinahangaan niyang sikat na artista. Ang problema, lasing ito at hindi nito alam ang mga ginawa nito sa kanya. Nang muli silang magkaharap ay hindi siya nakilala nito. Pero isa lang ang nasiguro niya: napakaambisyosa ng puso niya dahil ito pa ang napili niyon na maging true love!

Parang isang bituin ito na kailangan pa niyang sungkitin mula sa langit. Sukdulang mamasukan siyang housemaid nito ay gagawin niya para lamang mapalapit dito at mabihag ang pihikang puso nito. Now, she was in for the greatest adventure of her life.

Love Story

Type: PHR Collection

Book No.: 59

Year Released: 2010

Publication: PHR

Kontento na si Cherie sa pangangalaga sa love story ng kaibigan niyang half Korean na si JM at ng boyfriend nitong Korean na si Joo Gang Hun. Kung may fans club ang love team ng mga ito, baka siya na ang presidente niyon. She really liked their story, very Koreanovela-ish. When she said Koreanovela-ish, siyempre ay may super cool at guwapong third wheel. 

Si Gang Phil.

Older brother ito ni Joo Gang Hun na nagkataong may feelings din para sa kaibigan niya. Hindi nito puwedeng sirain ang relasyon ng dalawa kaya gagawin niya ang lahat para harangan ang mga plano nito. Pero nang minsang hingan siya nito ng tulong ay hindi siya tumanggi. In fact, hindi ito nagdalawang-salita sa kanya.

Gusto niyang iumpog ang sarili tuwing tatawagin siya nito at susunod naman siya. Parang may ipinakain ito sa kanya kaya sunud-sunuran siya rito. Was it because she could feel his pain whenever she saw him watching the woman he loved loving his own bother? Or was it because she had dreamed of him and his upper-left-side-lip mole more than once?

Destiny ba itey?

Kissing Mr. Wrong

Type: PHR Collection

Book No.: 58

Year Released: 2010

Publication: PHR

Kung gaano ka-friendly ang kaibigang doctor ni Annabee, ganoon din ang level ng kasungitan ng pinsan nitong si Arthur. Tila milyones ang halaga ng ngiti nito kaya madalang pa sa patak ng ulan tuwing El Niño kung ngumiti ito. Sa kabila niyon, hindi niya alam kung ano ang nakita ng puso niya rito para mahumaling siya rito, sukdulang makipagkompetensiya siya sa alaala ng namatay na nobya nito.

Inakala niyang madali lang itong mahuhulog sa kanya dahil bukod sa maganda at mabait pa siya—at higit sa lahat, may killer legs pa. Pero pinakawalan na niya at lahat pati ang itinatago niyang charms ay mukhang wa epek pa rin dito. 

Hay, naku, malaking problema ito.

Kiss And Tell

Type: PHR Collection

Book No.: 57

Year Released: 2010

Publication: PHR

Sa kabila ng pagkakaroon ng kasintahan ay nakatali pa rin ang panahon at oras ni Madel sa trabaho. Salamat sa guwapo pero workaholic monster na boss niyang si Ganny na walang ginawa kundi tambakan siya ng trabaho. She was really thinking of resigning when she caught her boyfriend Vince cheating on her.

Sa panggigilalas niya, ang dating puro trabaho ang laman ng utak na boss niya ay biglang naglaan ng “gintong oras” nito para lang makalimutan niya ang kataksilan ng boyfriend niya. She wondered why. Isang araw ay nalaman niya kung bakit.

He was in love with her.

A Kiss In The Rain

Type: PHR Collection

Book No.: 56

Year Released: 2009

Publication: PHR

Nang dahil sa matinding gutom, nakigulo si Milet sa mga taong nakapila sa ginaganap na feeding program. Nang matikman niya ang pagkain na isine-serve doon, napapikit siya sa sarap. Nang makita niya si Ochel, ang nagluto ng mga pagkain, naisip niyang kasing-“yummy” ito ng pagkaing niluto nito. Bigla, parang hindi na lang sa mga luto nito siya interesado kundi maging dito na mismo. At nang malaman niya na nabigo ito sa pag-ibig, ninais niyang maging malapit dito. Ito naman ang bubusugin niya... ng pagmamahal.

Two Sweet Kisses

Type: PHR Collection

Book No.: 55

Year Released: 2009

Publication: PHR

Jina met Frank while she was trying to win the man of her dreams. Pero ang magaling na lalaki, lagi siyang dini-distract sa kanyang pakikibaka. Ang mas malala ay siya pa ang itinalaga nitong “excuse” sa mga babaeng humahabol dito.

“You are my excuse. That’s why I don’t ever want to see you get hurt by anyone. Especially that guy.”

Talaga? Pero bakit mas mukha itong nagseselos kaysa nagpoprotekta lang?

Stolen Kisses

Type: PHR Collection

Book No.: 54

Year Released: 2009

Publication: PHR

Playing Cupid ang pinagpipitaganang heneral na ama ng kaibigan ni Francey kaya ipinakilala nito sa kanya ang pamangkin nitong si Benedict. Aminado man siyang umaapaw ang karisma ng binata, hindi niya type ito, lalo na at sa una pa lang nilang pagkikita ay tila minenos na nito ang kakayahan niya bilang isang writer. 

Until he saved her life. Things changed. And so did her heart. Ang problema, mukhang purely business lang ang gusto nitong maging relasyon nila nang alukin siya nito ng trabaho.

“I don’t believe in mixing business with pleasure. That us never a good thing,” tandang-tanda pa niya na sabi nito.

Pero isang araw ay bigla na lang siyang hinalikan nito. Nasaan ang “business” doon?

Just Like Before

Type: PHR Collection

Book No.: 53

Year Released: 2009

Publication: PHR

It was a typical busy day for Danna. Abala siya sa pagtatrabaho sa kanyang specialty shop nang biglang sumulpot doon si Reuben, ang lalaking hindi niya inaasahang magpapakita pa uli sa kanya.

Malaki ang atraso nito sa kanya dahil ito ang nagbigay sa kanya ng malaking kabiguan sa pag-ibig. Ngayong nagbalik ito ay may baon itong pangako sa kanya.

“I won’t stay away until I make you fall for me again.” 

It was a battle of strength and determination. 

Alin ang hahayaan niyang manaig? The strength of her will or the determination of his heart?

Take My Love

Type: PHR Collection

Book No.: 52

Year Released: 2008

Publication: PHR

Nagbakasyon si Maja sa probinsiya kung saan naninilbihan ang tiyahin niya. Isang araw ay nag-volunteer siya na magmaneho para sunduin ang anak ng amo nito—si Glenn. What she thought was a wonderful vacation turned out to be a disastrous one.

Nagkaroon ng amnesia si Glenn nang dahil sa kanya. What was worse, siya pa ang napili nito na palaging dikitan dahil siya lang daw ang link nito sa kung sino ito. She thought it was just right since it was, after all, her fault why he lost his memory.

Hanggang sa mamalayan na lang niyang naglaho na ang lahat ng negative impression niya rito. Ibang-iba kasi ito noong unang nakilala niya ito. Tuluyan nang nahulog ang loob niya rito at nadoble pa ang kasiyahan niya nang magtapat ito sa kanya.

Pero nagbalik ang alaala nito. At hindi na siya maalala nito. Ano na ang gagawin niya ngayong nakuha na nito ang puso niya?

For The Love Of Hellene

Type: PHR Collection

Book No.: 51

Year Released: 2008

Publication: PHR

Minsan na siyang sinaktan ni Raijin kaya ayaw nang magtiwala uli ni Hellene dito. Wala siyang balak na patawarin ito kahit paulit-ulit pa itong humingi ng tawad sa kanya. Pero sa walang-sawang panunuyo nito at walang-tigil na pagdedeklara nito—saan man naroroon ito—na mahal na mahal pa rin siya nito ay unti-unti nang natitibag ang yelong nakabalot sa kanyang puso. 

Ngunit kailangan niyang magpakatatag. Hanggang kailan kaya ang itatagal niya bago tuluyang sumuko ang kanyang puso?

Let Me In Your Heart

Type: PHR Collection

Book No.: 50

Year Released: 2008

Publication: PHR

Xycie was turning twenty-eight pero magulo pa rin ang utak niya. Tila walang patutunguhan ang kanyang buhay. Ayaw na rin niyang pamahalaan ang furniture business ng pamilya nila. Hanggang sa magpasya ang kanyang mga magulang na isara na lamang iyon.

Matutuwa na sana siya pero biglang umentra sa eksena si Jethro, her brother-in-law’s estranged brother. Nag-request ito na sa kompanya nila mag-training. Ang dating magulo na niyang utak ay lalong nagulo, lalo na sa tuwing makikita niya ang guwapong mukha nito.

Bigla ay ayaw na niyang magsara ang kompanya nila. Sa pamamagitan lamang niyon niya makakasama palagi si Jethro. Ang kaso, ayaw pumayag ng kanyang mga magulang.

Ngayon ay may dalawang bagay siyang dapat patunayan: una, na karapat-dapat siyang bigyan ng ikalawang pagkakataon ng kanyang mga magulang na pamahalaan ang kompanya nila; pangalawa, ang patunayan kay Jethro na siya ang babaeng itinakda para dito.

Mapagtagumpayan kaya niya ang mga iyon?

Hello Love... Once Again

Type: PHR Collection

Book No.: 49

Year Released: 2008

Publication: PHR

Four years after na mabigo si Kookie sa isang pag-ibig ay bumalik siya sa bansa at nagtayo ng isang learning center for kids. Everything was doing fine until she realized that her neighbor just across the spaceous parking lot of the business complex they were in, was a bar and restaurant owned by none other than the very person who broke her heart four years ago. Si Jairus.

Sinabi niya sa kanyang sarili na hinding-hindi na siya muling iibig pa. Ngunit natagpuan na lang niya ang kanyang sarili na muling nagmamahal sa lalaking siya ring naging dahilan ng pagluluksa niya sa pag-ibig.

`Cannot be! `Cannot be! sigaw ng isip niya.

Ang kaso, makinig naman kaya ang kanyang puso?

For The Love Of Myla

Type: PHR Collection

Book No.: 48

Year Released: 2008

Publication: PHR

Hinahangaan ni Myla ang bandang Sentinel maliban sa isang miyembro niyon--ang playboy na bass guitarist na si Jaycob Zamora. Maganda na sana ang imahe ng banda sa kanya kung hindi lang dahil dito.

Sa kasamaang-palad, sa isa sa mga performances ng mga ito ay di-sinasadyang napunta sa kanya ang cell phone nito. Pinagbintangan siya nitong magnanakaw at ipapakulong daw siya nito.

Kahit anong paliwanag niya ay ayaw nitong pakinggan. Naiyak na siya dahil sa nalalapit na pagkasira ng kanyang buhay. Laking pagtataka niya nang biglang nagbago ang isip nito.

“Para iyon lang, umiyak ka na. Oo na, oo na.” He reached out a hand and gently brushed away the tears on her cheeks. “Huwag ka nang umiyak. Hindi na kita ipapakulong.”

Ano ang nakain nito? Bakit biglang bumait ito?

For The Love Of Julie

Type: PHR Collection

Book No.: 47

Year Released: 2008

Publication: PHR

Bisperas ng ikadalawampu't walong kaarawan ni Julie nang humiling siya sa Diyos ng isang regalo. “Isang lalaki po na mamahalin ko. At kung puwede po sana, mabait at guwapo siya. Puwede rin pong mayaman siya at may magandang kotse para puwede niya akong ihatid-sundo sa opisina ko araw-araw.”

Afterwards, she went out for a walk. At nagkabanggaan sila ni Lancer na ikinatumba niya. Walang kaabug-abog na pinasan siya nito para dalhin sa ospital. Pero nagulat siya nang pagkatapos siyang ideposito nito sa sasakyan nito ay basta na lamang siya hinalikan nito.

“Happy birthday, Julie Anne,” sabi nito kapagkuwan.

He was her first kiss. Could he also be the first man she would ever love? Pero ayaw niya rito. Hindi ito pasado sa standards niya para sa isang lalaking mamahalin niya. Ngunit bakit ganoon? Bakit parang iba naman ang sinasabi ng kanyang puso?

Something was wrong with her heart...

Addicted To Love

Type: PHR Collection

Book No.: 46

Year Released: 2008

Publication: PHR

Saia and Hadji started out as enemies--well, at least on Saia’s part--dahil wala namang ginawa si Hadji kundi ang kunin ang amor niya tuwing magkakaroon ito ng pagkakataon. Kaya naman hindi na kataka-takang may maramdaman silang kaguluhan sa kanilang mga sarili na dulot ng isa’t isa.

Isang gabi, nagpasya silang alamin kung ano ang dahilan ng lahat ng nangyayaring iyon sa kanila. They started going out. And then they found out they weren’t really that bad. Hanggang sa namalayan na lang ni Saia na nagmamahal na pala siya. Pero pinigil niya iyon. Dahil nakatali na siya sa obligasyon niya sa kanyang mga magulang. 

Makakaya kaya ng pagmamahal ni Hadji na mabawi ang puso niya mula sa obligasyong iyon?

Wandering Heart

Type: PHR Collection

Book No.: 45

Year Released: 2007

Publication: PHR

Jesi was a perfect girlfriend material. She was smart, sexy, beautiful, successful, rich. Kaya nga laking pagtataka niya kung bakit naunahan pa siya ng mga walang-pakielam-sa-lalaking kaibigan niya. Kasal na ang isa at magpapakasal na ang isa pa. Samantalang siya, ni boyfriend ay wala.

She started asking herself. Hindi kaya pangit siya? Isa lang ang malakas ang loob na sumagot niyon--si Sky, ang nerd na kapitbahay niya.

"Kung maganda ka, bakit kailangan mo pa ang opinyon ko?"

Anak ng patis! Hindi na dapat siya nagtanong pa. Ayaw niyang tanggapin ang naging kasagutan nito kaya nagbanta siya na hinding-hindi siya aalis ng bahay nito hangga't hindi ito naaakit sa karisma niya. Pero bakit tuwing titingnan niya ito ay hindi isang nerd ang nakikita niya? Ang mas masaklap, parang siya pa ang naaakit sa karisma nito! Baliktad yata.

Tell Me When To Love You

Type: PHR Collection

Book No.: 44

Year Released: 2007

Publication: PHR

Mainit ang ulo ni Annejo nang araw na iyon. Lahat ay tila kinabubwisitan niya. Parang kahit tangke na panggiyera ay hindi niya uurungan. Ngiti lang ng isang matandang babae ang kahit papano ang nakapagsubside ng ngitngit niya sa mundo, na agad din namang naglaho nang makilala niya ang amo nitong si Eugene Montenola, isang mayamang negosyante na hindi marunong ngumitio magpakumbaba man lang. nang magkrus ang mga landas nila, tila hindi na magkakaroon ng katapusan ang iringan nila.

Pero nakialam ang tadhana.

Pati na ang kanilang mga puso...