Campus Girl: Helen, The Foxy Cinderella

Type: Series

Book No.: 13

Year Released: 2012

Publication: PHR

Hindi naniniwala sa fairy tale si Helen. Dahil sa hindi magandang karanasan ng kanyang ina at ng kaibigan niya, tumimo sa kanyang isip na ang mayayamang lalaki ay hindi kailanman magmamahal ng mahirap na babae.

Pero nagbago ang paniniwala niya nang makilala niya si Hero de Vega. Hindi ito mapagsamantala at matapobre tulad ng ibang tipikal na mayayamang lalaki sa paligid niya. He could be her Prince Charming… and she could be his Cinderella.

Pero paano kung matuklasan nito ang isang maitim na sekretong pinakatatago niya? Gugustuhin pa rin kaya nitong dalhin siya sa palasyo nito?

Campus Girl: Maxene, The Boyish Girl

Type: Series

Book No.: 12

Year Released: 2011

Publication: PHR

Maxene had always been one of the boys. Lumaki siya na pulos mga lalaki ang kasama kaya tila mas alam pa niya kung paano ang maging isang lalaki kaysa maging isang babae.

She believed that men were naturally dominant and proud. Pero mukhang above average ang angking kayabangan ni Kristofer “Tofee” Villados. Kahit kailan ay hindi siya magkakagusto sa isang lalaking mistulang inflated ego na nagkatawang-tao.

“Hang out with me for one whole day. Ipapakilala ko sa `yo ang sarili ko. Patutunayan ko sa iyo na mabuting tao ako,” sabi nito sa kanya minsan.

Nang mabigyan nga siya ng pagkakataong makilala ito nang lubos, na-realize niya ang isang napakaimportanteng bagay: hindi immune ang puso niya rito.

Campus Girl: Anikka, The Free Spirit

Type: Series

Book No.: 11

Year Released: 2011

Publication: PHR

Inalok si Anikka ni Allen ng isang nonserious, noncommittal relationship. Mahal niya ang kalayaan niya kaya pabor sa kanya ang ganoong relasyon. Para lang silang naglalaro habang ine-enjoy nila ang company ng isa’t isa.

“We won’t fall in love with each other. Kapag na-in love ka sa akin, iiwan kita,” malakas ang loob na sabi pa niya rito.

“Yeah. `Wag ka ring mai-in love sa akin. Kahit napakahirap, pigilan mo ang sarili mo,” ganti nito.

She chuckled. Chicken feed ang hinihiling nito.

Pero masama nga yata ang nagsasalita nang tapos. Dahil wala siyang nagawa nang mahulog ang puso niya kay Allen. Ang masama pa, mukhang hindi siya magagawang mahalin nito kahit ano ang gawin niya dahil sa isang Lizzy mula sa nakaraan nito...

Campus Girl: Rikki, The Racket Queen

Type: Series

Book No.: 10

Year Released: 2011

Publication: PHR

Kung mayroon mang dapat putungan ng korona sa dami ng racket, si Rikki na ang tatanghaling reyna. Open siya sa kahit anong malinis na mapagkakakitaan para ipantustos sa pag-aaral niya. Kaya nang may lumapit sa kanya para pagawain siya ng kakaibang uri ng task, tinanggap niya iyon. Ang kanyang misyon: alamin ang sekreto ng pagkatao ni Ryu Jimenez, ang pinakamailap at pinakamisteryoso na yatang estudyante sa SCU. At para matupad niya ang kanyang misyon, kailangan niyang pasukin ang mundo nito at alamin ang misteryong itinatago ng pagkatao nito.And because resourcefulness and persistence were two of her greatest virtues, nagtagumpay siyang mapasok ang mundo nito. Iyon nga lang, may nanganib nang gawin niya iyon.

Ang kanyang puso.

Campus Girl: Bunny, The Charming Barista

Type: Series

Book No.: 9

Year Released: 2010

Publication: PHR

Nang dahil sa isang hula, pinakawalan ni Bunny ang pagkakataong lumigaya sa piling ni Bret, ang persistent suitor niya na isa sa mga campus heartthrobs ng SCU. Pinagsisisihan niya nang labis na nagpaapekto siya sa hula dahil naging miserable siya nang mawala sa kanya si Bret. Kung sana ay may ikalawa pang pagkakataon…

Mukhang naawa ang tadhana sa kanya dahil muling nagtagpo ang mga landas nila ni Bret pagkalipas ng ilang taon. Ganoon na lang ang tuwa niya. This time, sisiguruhin niya na mauuwi na sa happy ending ang istorya nilang dalawa. Ngunit nang makaharap niya ito, na-realize niya na hindi magiging madali para sa kanya ang lahat. Dahil ang Bret na dating in love na in love sa kanya, tila hindi na ngayon apektado sa ganda niya…

Campus Girl: Pearl, The Sweetheart

Type: Series

Book No.: 8

Year Released: 2010

Publication: PHR

Despite Jedric’s infamous image at SCU, Pearl was still in love with him. Pero hindi nito gustong tugunan ang damdamin niya. Para dito, siya ang tipo ng babaeng hindi nito gugustuhing maging girlfriend. She was too sweet for a crude man like him. Wala rin daw itong kakayahang umibig.

Pero dahil mahal talaga niya ito, hindi siya tumigil hangga’t hindi nito tinatanggap ang pag-ibig niya. Inalok niya ito ng isang trial relationship. Nang makulitan ito at pumayag sa gusto niya, ipinangako niya sa sariling habang magkasama sila ay tuturuan niya itong magmahal.

Naging masaya ang relasyon nila. Inakala niya na sa wakas ay natutuhan na nitong mahalin sUploadiya. Pero maling- mali pala siya. Dahil sa bandang huli, sinaktan lang siya nito at iniwang luhaan…

Campus Girl: Chloe, The Idealistic Chick

Type: Series

Book No.: 7

Year Released: 2010

Publication: PHR

Chloe had a big secret. Five years ago, she slept with a man accidentally! Ang masama pa, ang lalaking kinaiinisan niya ang nakakuha ng kainosentihan niya—si Ruan Gonzales na wala nang idinulot sa kanya kundi disgrasya.

Hindi niya inakala na muling magkukrus ang mga landas nila. Ito ang boyfriend ng kapatid ng nobyo niya. Nakiusap siya rito na huwag na sana nitong ipaalam sa kanya-kanyang kasintahan nila ang nangyari noon. Pero ang buwisit na lalaki, walang ibang alam na ipang-asar sa kanya kundi ang sekretong iyon!

Ang akala niya ay wala nang mas titindi pa sa malupit na sekretong kailangan nilang itago. Mayroon pa pala. Na-in love siya rito at kailangan niyang itago iyon dahil magiging komplikado ang sitwasyon kapag naisiwalat iyon.

Campus Girl: Ashlee, The Rock Diva

Type: Series

Book No.: 6

Year Released: 2010

Publication: PHR

Ashlee might be impertinent and harsh but she was a very loyal and protective friend. Ayaw na ayaw niyang nasasaktan ang mga kaibigan niya. Tuwing may nang-aagrabyado sa mga ito ay ginagantihan niya ang mga taong iyon.Isa si Jiro sa mga nakaranas ng lupit ng paghihiganti niya nang paluhain nito ang isa sa mga kabarkada niya noong nasa kolehiyo pa sila. Kaya laking gulat niya nang sa muling pagkikita nila after a few years ay nalaman niyang ito ang bagong nobyo ng kanyang best friend.

Dahil wala siyang tiwala kay Jiro ay pumayag siya sa pakiusap ng kaibigan na bantayan ito habang nasa ibang bansa ang kaibigan. Sisiguruhin niya na babalik ang kaibigan niya na ito pa rin ang mahal ni Jiro at wala itong magiging ibang babae. Hindi talaga siya boto rito para sa kaibigan niya ngunit nang lumaon ay unti-unting nakita niya ang substance nito bilang tao. Kasabay niyon ay ang pagbangon ng isang damdaming hindi niya inasahang madarama para dito.

No, she could not fall in love with her best friend’s boyfriend…

Campus Girl: Claudette, The Queen Bee

Type: Series

Book No.: 5

Year Released: 2010

Publication: PHR

Claudette was the campus “queen bee.” Siya na yata ang pinakamaldita sa buong SCU. But because she was beautiful and popular, she could always get away with everything.

Ang akala ng mga tao ay nakukuha niya ang lahat ng gusto niya. Ang totoo, ang pinakagusto niya ay hindi niya makuha-kuha. She had been pining for Jerry Genares since the first time she saw him but he avoided her like a plague.

Hindi siya makapapayag na hindi mapasakanya si Jerry. Ngunit nang sa tingin niya ay malapit na niyang makamit si Jerry, may isang lalaking nanggulo sa mga plano niya—si Morris, ang pinsan ni Jerry na tutol sa pagtangi niya sa pinsan nito. Dinala siya nito sa isang isla at inilayo kay Jerry. Tuturuan daw siya nito ng leksiyon doon para ma-realize niya ang mga mali niya.

Pero bukod sa leksiyon na sinasabi nito ay may iba pa siyang natutuhan habang kasama niya ito. Iyon ay ang ibigin ito nang higit pa sa nadama niya para sa pinsan nito.

Campus Girl: Starr, The Bratinella

Type: Series

Book No.: 4

Year Released: 2009

Publication: PHR

Starr hated Jerry. Dahil sa sobrang inis niya rito ay tumakbo siya bilang presidente ng student council ng engineering department upang kalabanin ito. Sa lalong pagkainis niya, pinagtawanan siya nito at minaliit ang kakayahan niya. Kaya ipinangako niya sa sarili na gagawin niya ang lahat para matalo ito.

Pero nang minsang muntik na siyang mapahamak, iniligtas siya nito. Mula noon, tuwing malalagay siya sa kapahamakan, lagi itong naroon para iligtas siya. Kaya ang gamansiyon na inis niya rito, unti-unting naging bahay-kubo. At tuluyan nang nagiba ang “bahay-kubo” nang lalo itong bumait at naging maalalahanin sa kanya. Hanggang isang araw, natagpuan na lang niya ang sarili na in love na rito. Kaya ang plano niyang maging presidente ng student council ay biglang nabago at naging “first lady ng presidente ng student council…”

Campus Girl: Jela, The Drama Club Princess

Type: Series

Book No.: 3

Year Released: 2009

Publication: PHR

Malaki ang kasalanan ni Jela kay Jacob. Sa takot na gantihan siya nito ay pinagtaguan niya ito.

Hanggang sa magkrus uli ang mga landas nila pagkalipas ng ilang taon. Nakakita ito ng alas na puwedeng ipang-blackmail sa kanya kaya naging sunud-sunuran siya sa mga gusto nito. Mula sa pagiging production assistant, tila na-demote siya sa pagiging errand girl ng demanding pero oozing with sex appeal na binata. Inis na inis siya rito dahil wala siyang magawa para kontrahin ang gusto nito.

Pero aakalain ba niyang isang araw, buong pusong susundin niya ang lahat ng gusto nito kung ang ibig sabihin niyon ay makakasama niya ito?

Campus Girl: Vee, The Pretty Witch

Type: Series

Book No.: 2

Year Released: 2009

Publication: PHR

Vee was fascinated with witchcraft. Kaya ang akala ng iba ay isa siyang mangkukulam. Nobody had the nerve to mess up with her. Except Frei. 

Ito lang ang may lakas ng loob na asarin siya. Tinakot niya ito na kukulamin ito kung hindi ito titigil sa pang-aasar sa kanya. Hanggang sa umalis siya ng SCU.

Four years later, muling nagkrus ang mga landas nila. Sadya palang hinanap siya nito. Ipinagpipilitan nitong isinumpa raw niya ito. Gagawin daw nito ang lahat, bawiin lang niya ang sumpa. 

Sinakyan niya ang kalokohan nito at ginawa niya itong alila sa loob ng isang linggo. Tama lang dito iyon para turuan ito ng leksiyon.

Pero mukhang hindi nagustuhan ng gods and goddesses of nature ang ginawa niya kay Frei. Dahil minahika ng mga ito ang puso niya para ma-in love siya sa kinaiinisang binata...

Campus Girl: Gemme, The Cheerleader

Type: Series

Book No.: 1

Year Released: 2009

Publication: PHR

Tuwang-tuwa si Gemme nang mabalitaan niyang nag-break na sina Owen at Fia. Naisip niyang sa wakas ay magkakaroon na siya ng pag-asa kay Owen, ang lalaking pinapangarap niya. Ngunit hindi malubos ang saya niya dahil mahal pa rin ni Owen si Fia at determinado itong mapabalik dito ang ex-girlfriend. 

May naisip na plano ang mga kaibigan ni Owen para mapabalik dito si Fia. Kailangan nito ng pretend girlfriend para pagselosin si Fia. Nag-apply siyang bagong girlfriend nito. Habang nagpapanggap siyang girlfriend nito ay plano niyang paibigin si Owen para sa huli ay hindi na nito maisipan pang bumalik kay Fia at maging totohanan ang kanilang relasyon.

Pero hindi pala madaling mapaibig ito. Mukhang kailangan niya ng dibdibang pang-aakit dito.